【低級兼職煮婦的30分鐘瘋狂懶人食譜】✨ 越式撈檬

越式撈檬

越式撈檬既配料，好freestyle既，鍾意配咩都得。今日做既係大少指明既豬頸肉。為左想入味D我就前一晚臨訓之前醃定，咁第二日可以即刻拎出黎就整得～檬粉基本上街市有賣新鮮粉麵既鋪頭都有得賣。我買二人份量就$10/斤。




越式撈檬既做法其實唔複雜，最靈魂就當然係個撈檬汁 - 碌冧。碌冧用途多，一次做好一大支放落雪櫃，隨時食都得！

1) 醃肉料

材料：
- 豬頸肉一塊
- 香茅一至兩條 (我留一部份剪長條、一部份切碎等佢容易D出味)
- 青檸半至一個 (榨汁)
- 魚露、生抽老抽(上色)、鹽、糖、胡椒粉、生粉等調味料適量

做法：上述材料全部放密實袋後，適量按摩豬頸肉(幫助肉類容易吸收醃料)，放雪櫃過一晚夜即成。

完成既豬頸肉

2) 撈檬汁

材料：
- 魚露2湯匙
- 指天椒1條 (切碎)
- 糖2湯匙
- 青檸半個 (只要汁) 
- 蒜頭2粒 (切碎)
- 水3湯匙
*所有材料撈好後即成！
*分量可因應個人口味加減，通常我做法係試過個分量比例岩曬之後再一dd就做減低成樽野既出事率 (哈)

除左上面呢兩樣，另外仲買左$3蔥番黎炒蔥油同一條紅蘿蔔番黎切絲。再有時間既可以準備埋青瓜絲，再認真d既可以準備埋花生碎。呢個係快手懶人食，唔齊請見諒。

同場加映：100% handmade越式春卷！