食記 -〔灣仔搵食系列〕✨ 古早味台灣菜

第一次係網上見到個環境已經吸引左，後黎知道同觀塘小時光係同一個老闆，一直覺得小時光既台灣菜唔錯，所以呢間一直排係我既To Eat List。灣仔店位於一座好唔起眼既唐二樓，沿途會一路指示你上去：）

午飯時間黎到，全場坐滿，慶幸唔使等位，肚皮所限只容得下一個lunch set。

❤脆皮雞腿飯 - 香酥炸雞腿配台式滷肉飯（$68）

每個set都會跟一碟三款既餐前小食，今日既係古早味菜脯、醃漬蕃茄、涼拌菠菜。總括而言三款前菜都唔錯，個人最鐘意蕃茄仔，因為佢個甜酸度岩岩好，一d都唔over，飯前食好開胃，食完所有濃味野，留番粒飯後前都好清新。另外兩款前菜味道正常，都係輕輕有麻油炒過。

跟餐滷肉飯比較細碗，珍珠米黎既。男仔未必夠飽～滷肉略淡味，勝在料都算足。

炸雞腿味道唔錯，粉漿唔厚，最出色係旁邊pat秘製醬，食落係柑桔既味道，剛剛中和番炸過雞腿肉既油膩感！

食物水準，店鋪環境都好唔錯～如果食物上枱時再熱d會更加好！

⍟溫馨提示：

1963 木十豆寸

地址：灣仔灣仔道110號中匯大樓2樓

余師奶生活記。